“Крокус Сити”: Борбор Азиядан барган дагы үч киши кармалды
Орусияда “Крокус Сити Холл” борборундагы терактка байланышы бар деп шек саналган дагы үч киши кармалды. Федералдык коопсуздук кызматы тараткан маалыматка ылайык, алардын баары Борбор Азиядан баргандар. Бирөө - Орусиянын жараны. 22-мартта "Крокус Ситидеги" кол салуу үчүн жоопкерчиликти "Ислам мамлекети-Хорасан" тобу өз мойнуна алган. Москвадагы кандуу калабага байланыштуу кармоолор жана мигранттарга каршы тинтүүлөр уланууда.