Талгат Абжалил уулу

Сузакта күйөөсү балка менен урган келин ооруканада жатат

Сузактын Көк-Арт айыл аймагынын тургуну, күйөөсүнөн таяк жеп, ооруканага түшкөн 38 жаштагы келиндин абалын дарыгерлер "туруктуу оор" деп баалап жатат. Облустук милиция келин мурда дагы үй-бүлөсүндө ур-токмокко кабылып жүргөнүн билдирди. Келиндин күйөөсү убактылуу камалып, иликтөө жүрүүдө.

Майлуу-Суу: быйыл жылуулук маселеси кандай?

Бир жыл мурун Жалал-Абаддын Майлуу-Суу шаары жылуулуксуз калган. Катуу суууктан улам жылуулук системасы иштен чыгып, шаарда өзгөчө кырдаал жарыяланган. Калаа тургундары 20 күндөй жылуулуксуз жапа чеккен эле. Ал учурда өкмөт бул калаадагы жылуулук системасын оңдоону убада кылган.

Жалал-Абадда сасык тумоо күч алды

Жалал-Абад облусттук балдар клиникалык ооруканасында сасык тумоо жана кызамык менен кайрылгандар көбөйдү. Ушул тапта жугуштуу оорулар бөлүмүндө жыйырма беш бала кызамык оорусунан дарыланууда. Балдар клиникасына күнүгө сасык тумоо же башка оорулар менен кайрылгандардын саны 100гө чыгып жатат.

Базар-Коргон: Мигранттардын айылдык жеткинчектерге белеги

Базар-Коргондун Аук айылынын четте иштеп жүргөн мигранттары туулган жерине футбол аянтчасын куруп беришти. Ага кеткен беш миллион сомду мигранттар көтөрсө, кара жумушун айыл тургундары жасаган. Жаңы аянтчада күндүз мектеп окуучулары дене тарбия сабагын да өтүшөт.

Токтогулдан калган таберик

Токтогул Сатылганов туулуп-өскөн Кетмен-Төбө өрөөнүндөгү Чолпон-Ата айылында акындын жашаган үйү сакталып турат. Андан анча алыс эмес жерде акындын теберик буюмдары сакталган музейи бар. Бул жайга өлкөнүн булуң-бурчунан зыярат кылып келгендер көп.

Кара-Дарыя: создуккан курулуш, түшүмдөн кол жууган дыйкандар

Жыл сайын суунун деңгээли көтөрүлгөн мезгилде Сузактагы Кара-Дарыя айылында суу ташкындап, айдоо талааларын жууп кетүүдө. Андан көп учурда күрүч аянттары зыянга учурап жатат. Өкмөт дарыянын 11 чакырымдай жээгине дамба салууга киришип, бирок иш аягына чыга элек.

Короз кант жасаган Кларанын чакан ишкерлиги

Жалал-Абад шаарындагы жалгыз бой, жардамга муктаж кыз-келиндер чакан ишкерликти үйрөткөн окууларга катышып жатышат. Шаардагы Курманбек аймактык башкармалыгынын башчысы Бактыгүл Алдосова бейөкмөт уюмдардын жардамы менен аялдар акырындап чакан иштерин баштап жатканын айтат.

"Уулумду 12 жылдан бери издейм". Дайынсыз кеткендердин баяны

15 жыл мурун дайынсыз кеткен кыргызстандык жубайлар Казакстандын Жамбыл облусунан табылып, консулдуктун жардамы менен мекенине кайтып келген. Бул окуя бир нече жылдан бери уул-кызынын дайынын таппай жүргөн ата-энелердин үмүтүн жандыргандай болду.

Аксы: Мал уурдоону ким тыят?

Жалал-Абад облусунун Аксы районуна караштуу Кош-Дөбө айыл аймагында мал уурулук күч алганын жергиликтүүлөр айтып даттанды. Мундуз, Токтогул айылдарында бир айда 30 баштан ашуун мал-жандык жоголгон. Айылдыктар уурунун артынан түшүп таап, милицияга өткөрүп берген.

Мектептин экинчи кабатынан секирген кыздын окуясы териштирилүүдө

Жалал-Абад шаарындагы мектептердин биринде 11 жаштагы кыздын экинчи кабаттан секирип кеткен окуясы боюнча териштирүү жүрүүдө. Окуучу уюлдук телефонун мугалим алып койгондуктан ушундай жолго барганын айткан. Анын сол буту сынып, ооруканага түшкөн.

Аксы: такырланган жайытка кам көргөн айылдыктар

Аксынын Кашка-Суу аймагынынын жергиликтүү бийлиги такырланган жайыттарды калыбына келтирүүгө умтулууда. Алар бейөкмөт уюмдарга долбоор жазып, тоют чөптүн уруктарын жана айдоо аянттарды тосмологонго керектүү материалдарды сатып алышты.

Жалал-Абад: Аселдин өзгөчө технологиясы менен бышкан нан

Жалал-Абаддын тургуну Асель Сапарбаеваны шаардыктар ал өзгөчө технология менен бышырган нан аркылуу таанып калышты. Ал нанды муздак сууга жууруп, камыртурушка ачытып, бышырат. Жалгыз бой эне колу бошой калганда мейманкада ашпозчу болуп, такси да айдап, үч баласын чоңойтуп жатат.

Токтогулдагы экотуризм. Туристтер суктанган корук

Жалал-Абад облусуна караштуу Токтогул районундагы Чолпон-Ата айыл аймагы туристтер кызыккан жайга айланды. Эл аралык уюмдар жергиликтүү эл менен бирге демилге көтөрүп, соңку эки жылдан бери экотуризмди өнүктүрүүгө аракет кылып келет.

Жалал-Абаддагы эрктүүлөрдүн таймашы

Жалал-Абад шаарындагы Курманбек стадионунда мүмкүнчүлүгү чектелген жарандар арасында XII облусттук спартакиада өттү. Майтарылбас эрктүүлөрдүн таймашы 2010-жылдан бери өтүп келатат. 200дөй аттандаш спорттун сегиз түрү боюнча күч сынашты.

Мектептеги китеп тартыштыгы баш ооруга айланды

Жаңы окуу жылында мектептердеги китеп тартыштыгы аймактарда чоң көйгөйгө айланды. Жалал-Абадда ата-энелер айылдан атайын шаарга келип, базарларда китеп издеп журүшөт. Кээ бири издегенин таппай жумалап жүрсө, айрымдарынын тапкан китептери мектепке жарабай калууда.

Мирзиёев кызы Саиданы такка даярдап жатабы?

Корей жана чех маданиятын Кыргызстанда көргүсү келген Мунарбек

"Үч күндө "вагнерчи" болдук". Согуштан качып кутулган Каримдин баяны

Өзбекстанда блогерлерге кысым күчөдү

Түркмөнстан: тамак-аш тартыштыгы аялдарды митингге чыгарды