Кыргызстан эгемендигинин 33 жылдыгын белгилеп жатат. Бул жылдары өлкө өнүгүүнүн жолун издеп, социалдык-экономикалык кыйынчылыктарды жана саясий туруксуздукту башынан кечирди. Алдыга жылуу да, артка чегинүү да болду.
Борбордук шайлоо комиссиясы Жогорку Кеңештеги “Ыйман нуру” фракциясынын лидери Нуржигит Кадырбековду депутаттык мандатынан ажыратты. Ал буга чейин “Ыйман” фондусунун ишинин алкагында суракка чакырылган. Парламентте кезектеги депутаттын мандаттан ажыратылышы эмнеден кабар берет?
АКШнын мамлекеттик департаменти Кыргызстандагы инвестициялык климат жөнүндө баяндама жасап, мүмкүнчүлүктөр жана тобокелчиликтерди атады.
Кореялык Kookmin Bank Кыргызстандагы банктарга сентябрдан тарта доллар менен операция жүргүзүүнү токтоторун жарыялады. Улуттук банк муну Батыштын санкцияларын сактоого байланыштырды. Бул эмне үчүн маанилүү? Кыргызстандын финансы рыногу кандай иш-аракеттерди көрүшү керек?
Кыргызстан СASA-1000 долбоорунун алкагында өз аймагындагы зымдарды тартып, сыноого даярдап жатканын билдирди. CASA-1000 - Кыргызстан менен Тажикстандан Ооганстанга жана Пакистанга электр энергиясын экспорттоо багытында ишке ашырылып жаткан долбоор. Анын мааниси канчалык?
Кыргызстанда "Чет элдик өкүл жөнүндө" мыйзам боюнча реестрге ыктыярдуу катталуу мөөнөтү аяктаганына бир жума болду.
9-августта Астанада өтө турган Жапония-Борбор Азия өлкөлөрүнүн саммити болбой калды.
Чүй облусунун Новопавловка айылында Совет мезгилинен калган акыркы ракеталык уулу отун жок кылынат.
Ысык-Көлдөн чет элдиктерге мүлк сатууга уруксат берген мыйзамга кол коюлду. Бул мыйзамды кабыл алуу убагында кызуу талкуу жаралган. Жаңы мыйзамдын мааниси жана коомдогу пикирлер тууралуу сөз кылабыз.
Президент Садыр Жапаров Өзбекстанга мамлекеттик сапар менен барды. Сапардын алкагында президенттер Бишкектин жанында курулуп жаткан кыргыз-өзбек биргелешкен автоунаа заводун ачышат. Бул завод эки өлкөнүн ортосундагы ири долбоорлордун бири болуп саналат.
Кыргызстанда АКШ доллары менен орус рублинин сомго карата куну кыйла түшүп кетти.
Соодадагы патентти жоюп, көзөмөл-кассалык машинени милдеттүү колдонуу тартиби 1-июлдан тарта күчүнө кирди.
Президент Жапаров Кыргызстанда уран жана торий кендерине геологиялык изилдөө жүргүзүүгө, иштетүүгө уруксат берген мыйзамга кол койду. Министрлер кабинетинин төрагасы Акылбек Жапаров Үрүмчүдө ири металлургиялык компания менен титаномагнетит иштеткен ишкана куруу боюнча меморандум түзүп келди.
Жогорку Кеңеш 26-июнда Улуттук банктын төрагасы кызматына Мелис Тургунбаевдин талапкерлигин жактырды. Жабык добуш берүүдө аны 75 депутат "макул" деп колдоду. Аны бул кызматка президент Садыр Жапаров көрсөткөн. Тургунбаев өлкөнүн негизги банкын башкарууга билими, иш тажрыйбасы жетерин айтты.
25-июнда “Европа Биримдиги менен Кыргыз Республикасы ортосундагы кеңейтилген өнөктөштүк жана кызматташтык жөнүндө” келишимге кол коюлду. Бул документ 1999-жылкы Бишкек-Брюссел ортосундагы өнөктөштүк жана кызматташтык тууралуу келишимди алмаштырат.
Эки жыл мурда Орусияга салынган эл аралык санкциялар Кыргызстандын экономикасына да олуттуу кедерги болуп, өлкөдө инфляция кескин өсүп, эсептик чен 14% чейин жеткен эле. Быйыл жыл башынан бери эсептик чен эки жолу төмөндөтүлдү.
Дагы жүктөңүз
